Naona upendo leo, bila ya kuwa na cheo
Naona kwa macho leo, bila tv na video
Na kila nikitazama, namuona magufuli
Nimeiona dhamira, imeelekea dira
Imenijia twasira, kwa jamii na hadhira.
Tulilala tirarira, tumefunguliwa nira
Na kila nikitazama, namuona magufuli
Nimeiona jamii, ikipata matibabu
Nimeona watalii, wa nchi za ughaibu
Kelele sizisikii, tunasonga taratibu
Na kila nikitazama, namuona magufuli
Nimeona mafisadi,wakipata tabu sana
Muda umetaradadi,wamebanwa mbavu sana
Kulitimiza kusudi,yataka moyo mpana
Na kila nikitazama, namuona magufuli
Nimeona barabara,zikijengwa kila leo
Miundo mbinu imara,madaraja mshangao
Maendeleo mawio,maendeleo machweo
Na kila nikitazama, namuona magufuli
Nawaona wakulima,wakifurahi sokoni
Nawaona kina mama,na tabasamu usoni
Majizi wenye lawama,na miguno chinichini
Na kila nikitazama, namuona magufuli
Nimesikia mapato, na kodi vimeshibana
Nimesikia vipato halali vinapishana
Nimesikia vidato na kazi vinaendana
Na kila nikitazama, namuona magufuli
Nimelisikia neno, nchi yetu ni tajiri
Tuna makucha na meno,kiuchumi kunawiri
Tuna kalamu na wino,kuandika histori
Na kila nikitazama, namuona magufuli
Nimeyaona madege, bombadia na boeing
Ya kufika kila pande, ya nchi na ugenini
Na makabwela tupande, tufike ughaibuni
Na kila nikitazama, namuona magufuli
Basi nakuomba mungu umpe makazi mema
umtangulie mungu, katufikisha salama
Hata nasi wa mafungu, tunaiona neema
Na kila nikitazama, namuona magufuli
Na kila iitwayo leo, namkumbuka Magufuli
ReplyDelete